Həkimlər Səhiyyə Nazirliyinə qarşı etiraz aksiyası keçirməyə başlayıb

İspaniyada həkimlər Səhiyyə Nazirliyinin üzərində çalışdığı milli səhiyyə sistemi işçilərinin iş şəraitini tənzimləyən yeni statusda tələblərinin yerinə yetirilməməsi səbəbi ilə ölkə daxilində etiraza başlayıblar.

Sonxeber.az türk mediasına istinadən xəbər verir ki, İspaniyada Həkimlər Palataları Konfederasiyasının (CESM) çağırışı ilə etiraza çıxan həkimlər iş saatlarının yaxşılaşdırılmasını, peşə təsnifatındakı ədalətsizliklərin aradan qaldırılmasını və növbə saatlarının hesablanmasını tələb edirlər.

Səhiyyə naziri Monika Qarsiya, aksiyalara baxmayaraq, bütün həmkarlar ittifaqları ilə dialoqa davam etdiyini, bütün tələblərə hörmət etdiyini və peşəkar tibb işçilərinin ehtiyaclarına cavab verəcək bir mətn üzərində işlədiyini açıqlayıb.

Qeyd edək ki, İspaniyada sonuncu dəfə həkimlər 5 il əvvəl etiraz aksiyası keçiriblər.

Telegramda izləyin