"Oğlumun seçimi deyil" deyirdi – Gəlin indi rəsmi həyat yoldaşıdır

"Trabzonspor" futbolçusu Enis Destan qısa müddət əvvəl Arzum Kuruçalı ilə nişanlanmışdı. Enis Destanın anası Gül Destan etdiyi paylaşımlarla gəlini haqda sərt ifadələrlə münasibət bildirmişdi.

Milli.Az Türkiyə mətbuatına istinadən xəbər verir ki, hadisədən aylar sonra Enis Destan və Arzum Kuruçalı ailə həyatı qurub.

Gül Destan paylaşımında belə demişdi:

"Oğlumun seçdiyi gəlinin geyiminə baxın. Heç cür yaraşdırmıram. Nə fiziki olaraq, nə həyat tərzi olaraq, nə də yaş olaraq. Bizim seçmədiyimiz gəlin namizədi var idi. Əgər özündən 10 yaş kiçik biri ilə evlənmək istəyirdisə, sıravi bir fabrikdən və ya başqa peşə sahələrindən özünə həyat yoldaşı seçə bilərdi. Məqsəd bəllidir".

Ancaq futbolçu Enis Destan sevdiyi qadını anasının etirazına baxmayaraq, tərk etmədi. Enis Destan və Arzum Kuruçalı evləndi. Klub tərəfindən verilən məlumata görə, Enis Arzum ilə İzmirin Çeşmə bölgəsində təşkil olunan mərasimlə nikaha daxil olub.

Açıqlamada belə deyilirdi:

"Futbolçumuz Enis Destan Arzum Kuruçalı ilə birlikdə İzmir Çeşmədə keçirilən mərasimlə ailə həyatı qurub. Futbolçumuz Enis Destan və dəyərli həyat yoldaşını təbrik edir, onlara bir ömür xoşbəxtlik arzulayırıq".

Telegramda izləyin