Pul üçün qadının boğazına bıçaq dayadı, amma qızıllarına toxunmadı

Bursa da Onur Ö. adlı şəxs yolda 25 yaşlı qadının boğazına boğazına bıçaq dayayıb.

Sonxeber.az türk mediasına istinadən xəbər verir ki, hadisə çərşənbə günü saat 08:30 radələrində Bursanın Osmanqazi rayonunun Muradiye Məhəlləsində baş verib.

Belə ki, Onur Ö adlı şəxs yolda gördüyü qadının boğazına bıçaq dayayıb və onun 310 lirə pulunu oğurlayıb. Maraqlısı isə budur ki, şübhəli qadının qolundakı bilərziklərin saxta olduğunu düşünərək onları götürməyib.

Yaşadığı dəhşəti izah edən qadın: "Qışqırsam boğazımı kəsəcəyini dedi. İki qolbağım var idi, ona verməyə çalışdım, saxta olduğunu düşünüb, qəbul etmədi" deyə bildirib.

Hadisədən sonra qaçan şübhəli saxlanılıb. Araşdırmalar davam edir.

Telegramda izləyin