Prezidentin strateji siyasəti və regionların davamlı inkişafı - AÇIQLAMA

"Regionların inkişafı barədə siyasətdən danışarkən, Cənab Prezidentin vahid strateji siyasətinə uyğun olaraq qanunvericilik sahəsində mümkün ola biləcək addımlar parlament tərəfindən atılır. Regionların inkişafında əsas hərəkətverici qüvvə Cənab Prezidentin müəyyənləşdirdiyi siyasət və bu inkişafın ön plana çıxarılmasıdır. Biz bu illər ərzində həyata keçirilən proqramlar vasitəsilə regionların tamamilə dəyişdiyinin şahidi olmuşuq".

Bu sözləri Sonxeber.az-a Milli Məclisin deputatı Müşfiq Məmmədli danışıb.

O, açıqlamasında qeyd edib ki, hazırda isə digər regionlarımız – Qarabağ və Şərqi Zəngəzurun inkişafı nümunəsində dövlətin bu istiqamətdə gördüyü bütün işlər, iri infrastruktur layihələri, ərazilərin abadlaşdırılması, kənd təsərrüfatının qurulması və yeni idarəetmə modelinin tətbiqi ilə biz artıq fərqli bir inkişaf modelinin şahidi oluruq:

"Bu proseslərin birinci mərhələsi qanunvericiliyin təkmilləşdirilməsidir. Bu baxımdan nəzər yetirdikdə görürük ki, hazırda bələdiyyələrin birləşdirilməsi istiqamətində yeni qanunvericilik təşəbbüsü Milli Məclisdə uğurla müzakirə olunub və qəbul edilib. Bundan başqa, Naxçıvan Muxtar Respublikasının Konstitusiyasına edilən dəyişikliklərin birinci oxunuşda qəbul olunması zamanı çox maraqlı təkliflərin irəli sürüldüyünün şahidi olduq.

Bütün bunlar regionların inkişafının qanunvericiliklə tənzimlənməsi, digər tərəfdən isə dövlət büdcəsində bu məqsədlə ayrılan vəsaitlərin artırılması ilə müşayiət olunur. Bu istiqamətdə görülən bütün işlər Cənab Prezident İlham Əliyevin rəhbərliyi və müəyyən etdiyi siyasətə uyğun şəkildə həyata keçirilir".

Vüsalə İbrahimli

P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "Regionların sosial-iqtiasdi inkişafının təşviq edilməsi" mövzusuna uyğun olaraq dərc edilir.

Telegramda izləyin