Mətbəxdə elektrik vurması nəticəsində 4 yaşlı uşaq həyatını itirdi

4 yaşlı uşaq mətbəxdə elektrik cərəyanın vurması nəticəsində həyatını itirib.

Sonxeber.az türk mediasına istinadən xəbər verir ki, Hadisə Kıratlıoğlu məhəlləsində, Alçıhan küçəsində yerləşən çoxmərtəbəli binada qeydə alınıb.

Əldə edilən məlumata görə, 4 yaşlı İdris A. mətbəxdə kombinin altında yerləşən və ucu açıq olan termostat cihazına qoşulu kabelə toxunduğu üçün elektrik cərəyanı onu vurub.

Ailə üzvləri dərhal təcili tibbi yardım çağırıb. Kiçik uşağa ilkin tibbi yardım hadisə yerində göstərilsə də, o, aparıldığı Nevşehir Dövlət Xəstəxanasında həkimlərin bütün səylərinə baxmayaraq xilas edilə bilməyib.

Uşağın cəsədi müayinə olunmaq üçün morqa təhvil verilib. Hadisə ilə bağlı polis tərəfindən araşdırma başladılıb.

Telegramda izləyin