Arvadına əsəbiləşib dama çıxan kişi xilasedicilərlə görün necə oynadı

Antalyada arvadının uzaqlaşdırma qərarına qəzəblənən kişi yaşadığı binanın damına çıxaraq intihar edəcəyini deyib.

Sonxeber.az türk mediasına istinadən xəbər verir ki, hadisə Antalyanın Muratpaşa rayonunda baş verib. Belə ki, arvadı ondan polisə şikayət edərək uzaqlaşdırma qərarı aldığı üçün əsəbiləşən kişi binanın damına çıxaraq intihar edəcəyini deyib. Qonşuların məlumatı ilə ünvana polis, xilasetmə qrupları və təcili tibbi yardım qrupları sövq edilib.

Xilasedicilər ehtiyat tədbiri olaraq binanın girişinə hava döşəyi yerləşdiriblər, lakin kişi damda künc-bucaq gəzdiyi üçün döşək bir neçə dəfə köçürülüb.

Dam məhəccərinə çıxaraq təhlükəli manevrlər edən şəxs, nəhayət, təxminən iki saat yarımdan sonra fikrindən daşınmağa razılaşdırılıb.

Telegramda izləyin