"Bavariya"nın yarımmüdafiəçisi Joze Mourinyoya görə "Fənərbağça"ya keçmədi

"Bavariya"nın yarımmüdafiəçisi Brayan Saraqosa Joze Mourinyonun çalışdırdığı "Fənərbağça"ya keçməkdən imtina edib.

Oxu.Az xəbər verir ki, bu barədə "Kicker" məlumat yayıb.

Mənbənin sözlərinə görə, 23 yaşlı ispaniyalı idmançı portuqaliyalı çalışdırıcının reputasiyasına görə bu addımı atıb. "Bavariya" isə yay "transfer pəncərəsində" futbolçunu satmaq niyyətindədir. Saraqosanı icarəyə götürmək istəyən bir neçə klubun olduğu da bildirilir.

Qeyd edək ki, Brayan 2024/25 mövsümündə "Bavariya"nın heyətində bütün turnirlərdə 28 matçda bir qol vurub və 6 məhsuldar ötürmə edib. Onun alman klubu ilə müqaviləsi 2029-cu ilin yayında başa çatır.

"Transfermarkt" futbolçunun transfer dəyərini 12 milyon avro qiymətləndirir.

Telegramda izləyin