"Fənərbağça" azarkeşlərini özündən çıxaran futbolçudan oyunun sonunda yadda qalan hərəkət - VİDEO

Trendyol Super Liqasının 9-cu turunda Fənərbağça öz meydanında Fatih Karagümrük komandasını 2:1 hesabı ilə məğlub edib. Görüşdə ehtiyat oyunçular skamyasından meydana daxil olan polşalı futbolçu Sebastian Şimanski, performansı ilə azarkeşlərin sərt reaksiyası ilə qarşılaşıb.

Sonxeber.az türk mediasına istinadən xəbər verir ki, 78-ci dəqiqədə Dorjeles Nenenin əvəzinə oyuna qoşulan Şimanski, səhv ötürmələri və zəif tempi ilə tribunaların diqqətini çəkib. Azarkeşlər onun hər topla təmasında fit və yuhalama ilə narazılıqlarını ifadə ediblər.

Oyunun son dəqiqələrində Fredin ötürməsi ilə rəqibin cərimə meydançasında tək qalan Şimanski, bomboş vəziyyətdə topu qapıdan xeyli aralıya vuraraq ciddi bir qol fürsətini qaçırıb. Bu vəziyyət stadionda daha da böyük narazılığa səbəb olub və tribunalar "Bu necə qaçar?" səsləri ilə futbolçunu sərt şəkildə tənqid edib.

Oyun bitdikdən sonra tribunaların etirazı davam edib. Futbolçunun əhvalının pozulduğu müşahidə olunub. Bəzi komanda yoldaşları onun yanına gələrək təsəlli verməyə çalışıblar.

Telegramda izləyin