"Dövlətin dayağı artıq sadəcə struktur deyil, vətəndaşın özü və onun hüquqi düşüncəsidir" - AÇIQLAMA

"Azərbaycan dövlətinin gücü təkcə iqtisadi göstəricilərlə və hərbi potensialla deyil, həm də hüquqi dövlət və vətəndaş cəmiyyəti prinsiplərinin möhkəmlənməsi ilə ölçülür. Son illərdə ölkəmizdə insan hüquq və azadlıqlarının təminatı istiqamətində ciddi islahatlar həyata keçirilib. Dövlət vətəndaşların hüquqi savadlılığının artırılması üçün geniş maarifləndirmə proqramlarına start verib. Məktəblərdən tutmuş ali təhsil müəssisələrinə qədər hüquqi təfəkkürün formalaşdırılması istiqamətində mühüm addımlar atılır. Prezident İlham Əliyevin rəhbərliyi ilə həyata keçirilən sosial ədalət və qanunun aliliyi siyasəti dövlətin modern idarəetmə modelini daha da gücləndirib. Elektron hökumət, "ASAN xidmət" və "DOST" mərkəzləri kimi innovativ mexanizmlər vətəndaşların hüquqlarına operativ çıxışını təmin edir. Bu, dövlətlə vətəndaş arasında etimadı artıran əsas faktorlardandır".

Bu sözləri Sonxeber.az-a politoloq Tural İsmayılov danışıb.

O, açıqlamasında qeyd edib ki, eyni zamanda, siyasi mədəniyyətin formalaşdırılması üçün ictimai iştirakçılıq genişlənib:

"Milli Məclisdə və ictimai şuralarda vətəndaş təmsilçiliyi dövlət siyasətinin ayrılmaz hissəsinə çevrilib. QHT-lərin fəaliyyəti üçün yaradılan şərait və maliyyə dəstəyi ictimai nəzarət institutlarını gücləndirib. Dövlətin yeni informasiya siyasəti şəffaflığı və hesabatlılığı ön plana çəkir. Sosial media mühitində də vətəndaşların hüquqi məsuliyyət və mədəni davranış normalarına riayət etməsi üçün maarifləndirmə kampaniyaları aparılır.

Yaxın illərdə hüquq təhsili və ictimai elmlər sahəsində beynəlxalq təcrübəyə əsaslanan yeni proqramların tətbiqi planlaşdırılır. Gənclərin siyasətdə, qərarvermə proseslərində və ictimai debatlarda daha fəal iştirakı təşviq olunur. Dövlətin məqsədi vətəndaşın yalnız hüquqlarını bilməsi deyil, həm də onları müdafiə etmək bacarığına sahib olmasıdır. Nəticə etibarilə, bu proseslər Azərbaycan dövlətinin institutlaşmış, hüquqa əsaslanan və xalqla birləşən gücünü nümayiş etdirir. Dövlətin dayağı artıq sadəcə struktur deyil, vətəndaşın özü və onun hüquqi düşüncəsidir".

Vüsalə İbrahimli

P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması" mövzusuna uyğun olaraq dərc edilir.

Telegramda izləyin