"Azərbaycanın əldə etdiyi qələbə həm əhatəlilik, həm də strateji əhəmiyyət baxımından unikaldır" - AÇIQLAMA

Mən 10 il bundan əvvəl Akademiyanın 70 illiyində bax bu salonda alimlər qarşısında çıxış etmişdim və çalışırdım ki, bu 10 il ərzində ölkə qarşısında duran bütün başqa vəzifələrlə yanaşı, elmin inkişafına da öz dəstəyimi göstərim.

Bu sözləri Prezident İlham Əliyev Azərbaycan Milli Elmlər Akademiyasının 80 illik yubiley yığıncağında çıxışı zamanı söyləyib.

O qeyd edib ki, son 10 il ərzində həm dünyada, həm Azərbaycanda köklü dəyişikliklər baş verib:

"Prezident İlham Əliyevin Akademiyada söylədiyi sözlər Azərbaycanın son 10 ildə həm hərbi, həm də siyasi sahədə əldə etdiyi uğurların məntiqi yekununu ifadə edir", - bu sözləri Sonxeber.az -a açıqlama verən politoloq Tural İsmayılov deyib:

"Onun vurğuladığı kimi, torpaqlarımızın azad edilməsi və ərazi bütövlüyümüzün bərpası yalnız hərbi zəfər deyil, həm də milli iradənin qələbəsidir. Bu, dövlətçilik tariximizdə əsl tarixi dönüş nöqtəsi oldu.

Dünyada müharibələr və beynəlxalq hüququn pozulması halları davam etsə də, Azərbaycan bu proseslərdə öz sabitliyini və gücünü qorumağı bacardı. Prezidentin qeyd etdiyi kimi, ölkəmizdə xarici hərbi birləşmələrin olmaması və işğalçı qüvvələrin tamamilə aradan qalxması Azərbaycanın suverenliyinin dönməzliyini göstərir. Bu, həm də dövlətin strateji idarəetmə bacarığının təntənəsidir.

Son beş ildə əldə olunan Zəfər yalnız hərb meydanında qazanılmış nəticə deyil, həm də Azərbaycanın diplomatik və iqtisadi gücünün təzahürüdür. Prezidentin çıxışında elmin inkişafına göstərilən dəstəkdən danışması göstərir ki, Azərbaycan həm də intellektual və innovativ inkişafı prioritet kimi qəbul edir. Bu, dövlət siyasətinin sistemli və çoxşaxəli yanaşmasının nəticəsidir.

Prezidentin vurğuladığı kimi, müqayisə aparıldığında, Azərbaycanın əldə etdiyi qələbə həm əhatəlilik, həm də strateji əhəmiyyət baxımından unikaldır. Bu zəfər xalqın birliyinin, ordunun peşəkarlığının və dövlət rəhbərinin qətiyyətli idarəçiliyinin nəticəsidir. Ölkəmiz indi yalnız ərazi bütövlüyünü deyil, həm də sabitlik və inkişaf perspektivini təmin etmişdir.

Eyni zamanda, Prezidentin çıxışı göstərir ki, Azərbaycan gələcəyə baxışını yalnız keçmiş qələbələrlə ölçmür, həm də davamlı inkişaf və elmi tərəqqi üçün planlı strategiya qurur. Bu, dövlətçilik və milli iradənin sintezidir. Azərbaycan üçün bu Zəfər həm tarixi, həm də intellektual nailiyyət kimi qiymətləndirilməlidir. Dövlətin bütün sahələrdəki uğuru xalqın rifahını artırmaqla yanaşı, regionda nüfuzunu da möhkəmləndirir".

Telegramda izləyin