Qvardiola karyerasını başa vurduqdan sonra nə ilə məşğul olacaq? - Özü AÇIQLADI

"Mançester Siti"nin baş məşqçisi Xosep Qvardiola məşqçilik karyerasını başa vurduqdan sonra nə ilə məşğul olmaq istədiyi barədə danışıb.

Oxu.Az "Sky Sports"a istinadən xəbər verir ki, baş məşqçi ailəsinə daha çox vaxt ayırmaq istədiyini vurğulayıb:

"Yemək bişirməyə başlamaq istəyirəm. Fransız dilini öyrənmək istəyirəm, bəli-bəli. Uşaqlarımla daha çox vaxt keçirmək istəyirəm, çünki indi onlara kifayət qədər diqqət ayıra bilmirəm. Ailəmlə, bacı və qardaşlarımla daha çox vaxt keçirmək istəyirəm, onları az-az görürəm".

"Etmədiyim bir çox şeyi mütləq edəcəyəm. Səyahət etmək istəyirəm. Minlərlə, milyonlarla getmədiyim, amma getmək istədiyim yerlər - sərgilər, konsertlər var. Və ya sadəcə evdə heç nə etmədən oturmaq - bu doğrudan da əladır. Bəlkə də bundan başlayarıq, pis deyil, elə deyilmi? O qədər etməli şey var ki", - deyə Qvardiola bildirib.

Qeyd edək ki, İngiltərə Premyer Liqasının 11-ci turu çərçivəsində "Mançester Siti" və "Liverpul" arasında keçiriləcək matç Qvardiolanın məşqçilik karyerasında 1000-ci oyun olacaq.

Telegramda izləyin