İllər əvvəl tikilən körpü sakinlərin evinə təhlükə yaradır (VİDEO)

Bakı-Quba yolunun Şabran ərazisindən keçən hissəsində illər əvvəl inşa edilən körpü bu gün həmin ərazidə yaşayan sakinlərin ciddi narahatlığına səbəb olur. sakinlər iddia edirlər ki, evlərinin yaxınlığında inşa edilən körpüdən keçən ağırtonnajlı yük avtomobilləri mənzillərdə çatların yaranmasına səbəb olub.

Sakinlərin sözlərinə görə, Bakı-Quba-Rusiya ilə dövlət sərhədi avtomobil yolunun 122-ci km-liyinin Şabran ərazisində 2010-cu ildə körpü inşa edilib. Körpü istifadəyə verildikdən sonra burdan ağır yük avtomobillərinin keçməsi onların evində titrəmələrə səbəb olub.

Onlar deyir ki, qonşulardan bəziləri öz mülklərini tərk etmək məcburiyyətində qalıblar. Yaranan problemə görə onlar evlərini nə təmir edə, nə də sata bilirlər. Torpağı olanlara isə ev tikməyə icazə verilmir.

Şabran şəhər üzrə icra nümayəndəliyindən "Xəzər Xəbər"ə bildirildi ki, körpünün altına düşən evlərin problemi həll olunub. Yaxın evlərlə bağlı hələ də qərar yoxdur.//Xəzər TV

Telegramda izləyin