Ölkəmizdə bələdiyyələr əhaliyə pulsuz xidmət göstərə bilərmi? - SOSİOLOQ AÇIQLADI

Əksər Qərb ölkələrində və eləcədə Türkiyədə bələdiyyələr əhaliyə pulsuz sosial xidmətlər göstərirlər. Məsələn, Ankara bələdiyyəsi əhali üçün pulsuz ictimai nəqliyyat istifadəyə verib. Eyni zamanda əhalinin az təminatlı təbəqəsinin bütün kommunal xərclərini bələdiyyələr ödəyir. Bundan başqa Türkiyədə bələdiyyələr imkansız cütlüklərin toy xərclərini öz götürürlər. Bəs belə bir təcübə ölkəmizdə də tətbiq oluna bilərmi?
Mövzu ilə bağlı sosioloq Naib Niftəliyev BiG.AZ-a açıqlamasında bildirdi ki, Azərbaycanda bələdiyyələrlə bağlı çoxlu problemlər var. Onun sözlərinə görə, ölkədə islahatlar birinci növbədə bələdiyyələrdən başlamalıdır: "Türkiyədə nəyinki Ankarada, eyni zamanda İstanbul və bütün şəhər və əyalətlərdə bələdiyyələr çoxsaylı sosial layihələr həyata keçirirlər. Bunun başlıca səbəblərindən biri Türkiyədə bələdiyyə seçkilərində namizədlərin həqiqətən bələdiyyəni təmsil edəcək şəxslər olmasıdır. Təssüfki ölkəmizdə bələdiyyə yerlərini tutanlardan çoxu əhalinin bəyənmədiyi şəxslərdir.

Onlar məmurlarla sövdələşərək, bələdiyyələrdə yer tutublar. Yəni bələdiyyələrdə hesabatlılıq yoxdur. Ona görədə onlar əhaliyə xidmət göstərmirlər. Bələdiyyə xalq tərəfindən seçilməlidir ki, əhaliyə xidmət etsin. Azərbaycanda müəyyən inhisarçı qruplar bələdiyyələridə ələ keçirməyə çalışırlar. Mən şəxsən özüm bələdiyyə seçkilərində iştirak etmişəm və seçkidə qalib gəlmişəm. Ancaq hansısa icra başçısı seçkiləri saxtalaşdıraraq, puluda cibinə yığaraq ölkədən qaçıb. Siz hansı bələdiyyə srukturlarından danışırsınız?".

Telegramda izləyin