Nə ətdir, nə toyuq! Bu dönər əncirdən hazırlanır! - VİDEO

Aydın vilayətinin əsas kənd təsərrüfatı məhsullarından biri olan əncir dünya miqyasında böyük tələbat görür.

Sonxeber.az türk mediasına istinadən xəbər verir ki, əncirin istehlakını artırmaq və şəhərin marka dəyərini yüksəltmək məqsədilə illərdir aparılan araşdırmalar nəticəsində 25 il əvvəl Türkiyədə ilk dəfə istehsal edilən "'əncir dönəri" vətəndaşların böyük marağına səbəb olur.

Dünyada əncir istehsalında lider olan Aydın, bu məhsulun müxtəlif sahələrdə istifadəsini genişləndirmək üçün bir çox yenilikçi layihələr həyata keçirir. Coğrafi işarəyə sahib Aydın ənciri cipsdən kolonyaya qədər geniş məhsul çeşidində qiymətləndirilir və yerli iqtisadiyyata mühüm töhfə verir. Bu məhsullar arasında bir şirkətin təxminən 25 il əvvəl apardığı AR-GE işləri ilə hazırlanan "Əncir dönəri" həm görünüşü, həm də dadı ilə diqqət çəkir.

Şirkətin bölgə müdiri Hasan Hüseyn Yörük açıqlamasında bildirib:

"Aydınımızın simvolu olan ənciri bir çox istehsal sahəsində istifadə edirik. Əncirlə bağlı 35 müxtəlif məhsul üzərində çalışırıq. 2000-ci ildə əncir dönəri ilə Türkiyə İnkişaf Mükafatını qazandıq. Gənc nəsillərə ənciri necə daha çox sevdirə bilərik, istehlakı necə artıra bilərik deyə apardığımız AR-GE işləri nəticəsində Türkiyədə ilk əncir dönərini istehsal etdik və çox sevildi."

Yörük əlavə edib ki, məhsul 25 il keçməsinə baxmayaraq hələ də müştərilər tərəfindən sıx şəkildə soruşulur:
"Cevizli əncir, tahinli, şokoladlı əncir, əncir cemi, metal qutularda təqdim etdiyimiz Aydın Zeybekli əncirlər və daha bir çox əncir çeşidini mağazalarımızda satışa çıxarırıq."

Telegramda izləyin