17 illik sevgilisi ilə evlənir

Keçmiş ikiqat Ultimate Fighting Championship (UFC) çempionu Konor Makqreqor uzun müddətdir sevgili olduğu Di Devlinlə evlənir.

Qaynarinfo bu barədə "The Irish Independent"ə istinadən xəbər verir.

Mərasim Vatikan ərazisində, Müqəddəs Pyotr Bazilikasının yanında yerləşən Santo Stefano degli Abiçini kilsəsində planlaşdırılır.

2008-ci ildən bəri görüşən və dörd övladı olan Makqreqor və 38 yaşlı Devlinin özəl katolik mərasimi planlaşdırdıqları bildirilir. Vatikan mənbələri kilsənin tədbir üçün sifariş edildiyini təsdiqləyir. Lakin Vatikanın sözçüsü Matteo Bruni Makqreqorun iştirak etdiyi hər hansı bir toy mərasimindən xəbərsiz olduğunu bildirib.

Bir dekabrda döyüşçü dördüncü uşağının dünyaya gəldiyini elan edib. Cütlük 2008-ci ildə gecə klubunda tanış olub. Döyüşçünün sözlərinə görə, onlar dərhal ortaq məxrəc tapıblar. Devlin bildirib ki, Makqreqorun peşəsi onu ilk növbədə heyran edib.

37 yaşlı boksçunun son döyüşü UFC 264-də amerikalı Dastin Poirierə qarşı olub. Döyüş birinci raundda başa çatıb və irlandiyalı boksçunun ayağı sınıb.

Telegramda izləyin