Kartof qızardarkən duz nə vaxt əlavə olunmalıdır?

Mütəxəssislərə görə, kartof qızardarkən duz kartoflar yağdan çıxan kimi, yəni hələ isti və üzəri yağlı ikən əlavə edilməlidir. Çiy kartofa və ya qızartma zamanı duz atmaq, kartofun suyunu buraxmasına və çıtırlığını itirməsinə səbəb olur. İsti səthə səpilən duz isə həm daha yaxşı yapışır, həm də dadın bərabər yayılmasını təmin edir.

Milli.Az xəbər verir ki, çiy kartofa əlavə olunan duz onun içindəki suyu çəkir. Bu səbəbdən kartof qızardıqda çıtır olmur, əksinə yumşaq və solğun qalır.

Yağın içində duz atmaq yağın sıçramasına səbəb olur ki, bu həm təhlükəlidir, həm də mətbəxin çirklənməsinə gətirib çıxarır. Bundan başqa, duz kartofun üzərinə bərabər yayılmır.

Kartof hələ isti və səthi yağlı olduqda duz daha yaxşı yapışır və dadı bərabər şəkildə hiss olunur. Bu, kartof qızartmasının ləzzətini maksimuma çatdırır.

İncə dənəli duzdan istifadə etmək tövsiyə olunur. Kartoflar bir qabda yüngülcə silkələnərək duzlanarsa, hər bir parça eyni dərəcədə ləzzətli olar.

Telegramda izləyin