Səidə Bəkirqızı fəaliyyətini hansı kanalda davam etdirəcək? - ÖZÜ AÇIQLADI

Dünən Səidə Bəkirqızının çalışdığı Space TV-dən getməsi ilə bağlı xəbər vermişdik. Bəs teleaparıcı fəaliyyətini bundan sonra hansı kanalda davam etdirəcək?

BiG.AZ bu sual ilə Səidə xanımla əlaqə saxlayıb. Saytımıza açıqlamasında Səidə xanım bildirdi ki: "Dünən artıq mənə iki kanaldan təklif gəlib. Mən sadəcə heç bir kanalda işləməyəcəm. Böyük kanallarda ümumiyyətlə işləməyəcəm. Youtube kanallarında da həmçinin. Mən öz işimi quracam bu yaxınlarda inşallah. Yəni öz kanalımla fəaliyyət göstərəcəm. Kanallar mənimlə reytinq tutmaq istəyir. Ona görədə böyük kanallar və Youtube kanallarına dəvət edirlər. Səidəni Bəkirqızı olduğuna görə çağırırlar. Elə reytinqi özüm öz kanalıma verərəmdə. Niyə başqası üçün işləyimki?

Youtube-da bizim ilk verilişimiz 12 qat dünya çempionu Zülfiyyə Hüseynovayla bağlı oldu. O kanal mənim Youtube kanalımdır. Sadəcə mən onu daha böyük çapda təqdim edəcəm. Yəni mənim öz şəxsi Youtube kanalım və mən artıq orda fəaliyyət göstərəcəm. Mən yenədə öz əqidəmdə, öz sözümdə bundan sonrada davam edəcəm. "Bax Da" Youtube kanalı mənim artıq şəxsi Youtube kanalımdır. Bu kanalda ən gözəl mövzularla və ən düşündürücü mövzularla yenədə mən məni sevənlərin qarşısında olacam.

Mən inşallahki bundan sonra heç bir rəhbərin əlinin altında işləməyəcəm. Heç mənim o vaxtımda deyil. 25 il televiziya təcrübəm var. Lazımdır ki, mənim özümün televiziyam olsun. Düzdür mən bu addımı çox gec atdım. Amma gec olsun güc olsun və bizim ilk verilişimizdə çox böyük rezonansa səbəb oldu Zülfiyyə Hüseynovayla bağlı".

Telegramda izləyin