Türkiyə Suriyanın bu təklifini qəbul etdi

Türkiyə Suriya hökumətinin dəvətinə cavab olaraq, ölkədə qalan kimyəvi silah qalıqlarının məhv edilməsi istiqamətində yaradılmış xüsusi işçi qrupuna qoşulub.

Sonxeber.az türk mediasına istinadən xəbər verir ki, məlumata görə, bu addım Suriyada təhlükəsizliyin gücləndirilməsi və kimyəvi silahların yaratdığı risklərin aradan qaldırılması məqsədi daşıyır. Türkiyə tərəfi beynəlxalq səviyyədə həyata keçirilən bu təşəbbüsə dəstək verməklə regionda sabitliyin təmin olunmasına töhfə verməyi hədəfləyir.

Qeyd edək ki, sözügedən təşəbbüs Suriyada mövcud kimyəvi silah qalıqlarının aşkar edilərək zərərsizləşdirilməsini nəzərdə tutur. Proses çərçivəsində bir neçə ölkənin və müvafiq qurumların iştirakı gözlənilir.

Telegramda izləyin