Maduro və həyat yoldaşı yenidən hakim qarşısında

Manhetten federal məhkəməsində Venesuela prezidenti Nikolas Maduronun işi üzrə ikinci məhkəmə prosesi başa çatıb.

Lent.az xəbər verir ki, dinləmə təxminən bir saat yarım davam edib.

Dinləmənin əsas məsələsi ABŞ hökumətinin Maduro və həyat yoldaşı Siliya Floresin hüquqi xidmətləri üçün Venesuela hökumətinin ödənişinə mane olması olub.

Hakim Elvina Hellersteyn Venesuela prezidenti Nikolas Maduroya qarşı işi ləğv etməkdən imtina edib.

O bildirib ki, ABŞ hakimiyyəti Venesuela hökumətinin təqsirləndirilən şəxslərin hüquqi xərclərini ödəməsinə mane olduğuna görə Maduro və həyat yoldaşı Siliya Floresə qarşı işi ləğv etmək niyyətində deyil.

Maduronun vəkili Barri Pollak iddia edib ki, Maduro və Flores öz hüquqi xərclərini ödəyə bilmirlər və Venesuela hökumətinin müdafiəni maliyyələşdirmək hüququnda israr edirlər.

Telegramda izləyin