Körpüdən özünü gölə atan şəxs görün necə xilas edildi - VİDEO

Amasyada körpüdən çaya atılan şəxs xilas edildi

Türkiyənin Amasya şəhərində 30 yaşlı kişi özünü körpüdən çaya ataraq intihara cəhd edib.

Sonxeber.az türk mediasına istinadən xəbər verir ki, E.G. (30) adlı şəxs ailədaxili problemlərin təsiri ilə psixoloji gərginlik yaşayaraq Künç Köprüsü üzərindən Yeşilırmak Nehri çayına atılıb. Hadisə yerində olan polis əməkdaşları onu fikrindən daşındırmağa çalışsa da, kişi buna baxmayaraq özünü suya atıb.

Ətrafdakıların təşviş dolu baxışları altında çayda sürüklənən şəxs bir müddət üzərək sahilə yaxınlaşıb. Daha sonra dalğıcların müdaxiləsi ilə sudan çıxarılıb. Xilasedicilərin endirdiyi nərdivan vasitəsilə yuxarı qaldırılan şəxs təcili tibbi yardım avtomobili ilə xəstəxanaya aparılıb.

Faktla bağlı araşdırma aparılır.

Telegramda izləyin