Maşınla gedərkən önü kəsildi, eşitdikləri qarşısında şok oldu - VİDEO

Braziliyanın A Seriyası təmsilçisi "Corinthians" klubunda gərginlik səngimək bilmir.

Sonxeber.az xarici mediaya istinadən xəbər verir ki, komandanın "Internacional" qarşısında məğlubiyyətindən sonra azarkeşlər bu dəfə hədəfə yarımmüdafiəçi Raniele-ni alıblar.

Məlumata görə, məşqdən sonra avtomobili ilə ərazidən uzaqlaşmaq istəyən futbolçunun yolu azarkeş qrupu tərəfindən kəsilib. Qəzəbli kütlə oyunçunun avtomobilinin qarşısını alaraq onun hərəkətinə mane olub. Hadisə zamanı Raniele təhqir və təhdid dolu ifadələrə məruz qalıb.

Yayılan görüntülərdə futbolçunun avtomobildə qaldığı anlar və yaşadığı qorxu açıq şəkildə hiss olunur. Azarkeşlər ona "formanın haqqını ver ya da get", "bura Corinthians-dır" kimi sərt ifadələr səsləndirsələr də, təcrübəli yarımmüdafiəçi qarşılıq verməyib.

Soyuqqanlı davranmağa çalışan Raniele heç bir mübahisəyə girmədən başını aşağı salıb və yalnız azarkeşlər dağıldıqdan sonra ərazidən uzaqlaşa bilib.

Telegramda izləyin