Bu laləni dərən vətəndaşlar 700 min cərimələnəcək - VİDEO

Türkiyənin Erzincan şəhərində yerləşən Erzincan Bahçe Kültürleri Araştırma Enstitüsü nəzdində fəaliyyət göstərən ölkənin yeganə tərs lalə kolleksiya bağında nəsli təhlükə altında olan güllər yenidən çiçək açıb.

Sonxeber.az türk mediasına istinadən xəbər verir ki, kolleksiya bağında Türkiyənin müxtəlif bölgələrindən toplanmış 34, eləcə də xaricdən gətirilmiş 4 olmaqla ümumilikdə 38 növ tərs lalə mövcuddur. Bu növlərə aid 82 populyasiya qorunur və beləliklə bioloji müxtəlifliyin davamlılığı təmin edilir.

Ziraət mühəndisi Meral Aslay bildirib ki, tərs lalələrin mədəni şəraitə uyğunlaşdırılması və seleksiya işləri 2006-cı ildən etibarən davam edir. Onun sözlərinə görə, yeni bir hibrid növün əldə olunması 4 ildən 7 ilə qədər vaxt aparır və indiyədək 27 hibrid növ namizədi hazırlanıb.

Mütəxəssislər qeyd edirlər ki, tərs lalələrin böyük hissəsi endemikdir və onların qorunması xüsusi əhəmiyyət daşıyır. Bu baxımdan, kolleksiya bağı həm genetik ehtiyatların saxlanılması, həm də elmi tədqiqatlar üçün mühüm rol oynayır.

Rəsmi qurumlar bir daha xatırladır ki, tərs lalələrin təbiətdən icazəsiz toplanması və ölkədən çıxarılması qadağandır. 2026-cı ildən etibarən bu güllərə zərər vuran şəxslərə 700 min lirə məbləğində inzibati cərimə tətbiq olunur.

Hər il qısa müddətli çiçəklənmə dövründə açan bu nadir lalələr, bu il də öz gözəlliyi ilə ziyarətçilərə unudulmaz mənzərə bəxş edir.

Telegramda izləyin