Ac canavarlar kəndə basqın etdi - VİDEO

Türkiyənin Erzurum vilayətinin Tekman rayonunda sürüyə hücum etmək istəyən canavarlar çoban itləri tərəfindən uzaqlaşdırılıb.

Sonxeber.az türk mediasına istinadən xəbər verir ki, dəniz səviyyəsindən 2366 metr yüksəklikdə yerləşən Geçit kəndinə bağlı məzrada ac canavarlar kənd ərazisindəki iri buynuzlu heyvanlara hücum etməyə cəhd ediblər. Lakin sürünü qoruyan çoban itləri dərhal müdaxilə edərək canavarların qarşısını alıb.

Heyvan sahibi Mustafa Oğuz bildirib ki, canavar hücumları qış aylarından bəri tez-tez baş verir: " İtlərimiz hər dəfə canavarları qovur. Bu itlər mənim üçün mal-qaradan daha dəyərlidir. Evimizdə rahat yatırıqsa, bu həm Allahın, həm də bu itlərin sayəsindədir".

Oğuzun sözlərinə görə, çoban itlərinin sayəsində indiyədək sürüdə heç bir itki qeydə alınmayıb.

Telegramda izləyin