Küçə itinin hücum etdiyi uşaq həyatını itirib

Türkiyənin Van vilayətinin Saray rayonunda sahibsiz itlərin hücumuna məruz qalan 5 yaşlı uşaq həyatını itirib, 10 yaşlı uşaq isə yüngül xəsarət alıb.

Sonxeber.az türk mediasına istinadən xəbər verir ki, hadisə Saray Bələdiyyəsinin sərhədlərində yerləşən Kazımpaşa məhəlləsində baş verib. Məlumata görə, əmioğlu olan 5 yaşlı Hamza Özsoy və 10 yaşlı Ayaz Özsoya küçə itləri hücum edib.

Ətrafdakı şəxslər itlərə müdaxilə edərək uşaqları xilas etməyə çalışıb və hadisə yerinə təcili tibbi yardım, eləcə də polis əməkdaşları çağırılıb. Yaralanan uşaqlar Saray Dövlət Xəstəxanasına çatdırılıb.

Vəziyyəti ağır olan Hamza Özsoy həkimlərin bütün müdaxilələrinə baxmayaraq həyatını itirib. Yüngül yaralanan Ayaz Özsoy isə müalicə üçün Van Təhsil və Araşdırma Xəstəxanasına aparılıb.

Faktla bağlı araşdırma aparılır.

Telegramda izləyin