Marketi dağıdan qadının kimliyi üzə çıxıb - VİDEO

Bursa şəhərində marketdə baş verən qalmaqallı hadisə sosial şəbəkələrdə gündəm olub.

Sonxeber.az xarici mediaya istinadən xəbər verir ki, hadisə şəhərin Görüklə məhəlləsində yerləşən marketlərdən birində qeydə alınıb. İddiaya görə, alış-veriş üçün marketə gələn qadın kassirin "Market tətbiqiniz varmı?" sualına əsəbiləşib. Bundan sonra qadın yüksək səslə qışqırmağa başlayaraq rəflərdəki məhsulları yerə atıb və marketdə xaos yaradıb.

Qadının aqressiv davranışı marketdə olan digər müştərilər arasında panikaya səbəb olub. Bəzi şəxslər qorxaraq marketi tərk edib, əməkdaşlar isə qadını sakitləşdirməyə çalışıblar. Hadisə yerinə çağırılan təhlükəsizlik əməkdaşları ilə bağlı araşdırmaya başlanılıb.

Məlumata görə, marketdə hadisə törədən şəxsin daha əvvəl də oxşar qalmaqalla gündəmə gələn qadın olduğu müəyyən edilib. Belə ki, həmin qadın 2026-cı ilin fevral ayında Bursa Şəhər Xəstəxanası yaxınlığında yerləşən taksi dayanacağında insident yaratmışdı.

İddialara əsasən, qadın müştəri aparan taksiyə minmək istəyib. Dayanacaq əməkdaşı isə ona növbədə olan digər avtomobili gözləməli olduğunu deyəndə qadın əsəbiləşərək ətrafdakı əşyalara hücum edib. Əlindəki külqabı ilə taksi dayanacağının şüşələrini sındıran qadının təxminən 150 min türk lirəsi məbləğində maddi zərərə səbəb olduğu bildirilmişdi.

Həmin vaxt saxlanılan qadın məhkəmənin qərarı ilə məhkəmə nəzarəti şərti ilə sərbəst buraxılmışdı. İndi isə onun bu dəfə marketdə oxşar hadisə törətdiyi iddia olunur.

Telegramda izləyin