Taksi sürücüsü kartla ödəniş etmək istəyən qadını döyüb - VİDEO

İstanbulun Bakırköy rayonunda taksi sürücüsü ilə qadın sərnişin arasında yaşandığı iddia edilən insident sosial şəbəkələrdə geniş müzakirələrə səbəb olub. Qadın sərnişin kartla ödəniş məsələsinə görə mübahisə etdiyi sürücünün onu avtomobildə kilidli saxladığını və fiziki zorakılıq tətbiq etdiyini iddia edib.

Sonxeber.az xarici mediaya istinadən xəbər verir ki, taksiyə minən qadın, sürücünün kartla ödəniş üçün əlavə ödəniş tələb etdiyini bildirib. Qadın isə ödənişi nağd şəkildə etmək istədiyini deyib. Tərəflər arasında yaranan mübahisənin böyüməsindən sonra sürücünün avtomobilin qapılarını kilidləyərək qadının düşməsinə mane olduğu iddia olunub.

Qadın sərnişin hadisəni telefonla lentə almağa başladıqdan sonra sürücünün ona əl qaldırdığı öne sürülüb. Sosial şəbəkələrdə yayılan görüntülərdə taksi sürücüsünün gənc qadına əsəbi şəkildə reaksiya verdiyi və ona vurduğu anlar əks olunub.

İddialara əsasən, ətrafdakı bəzi vətəndaşlar avtomobilin şüşəsinə vuraraq qapının açılmasına kömək ediblər. Hadisədən sonra qadın polis bölməsinə müraciət etdiyini, sürücüdən şikayətçi olduğunu və tibbi ekspertiza üçün xəsarət hesabatı aldığını açıqlayıb.

Hadisə ilə bağlı görüntülər qısa müddətdə sosial mediada yayılıb. Məsələ ilə bağlı rəsmi qurumlar tərəfindən hələlik açıqlama verilməyib.

Telegramda izləyin