Bu restoranda buzsuz içki içmək üçün əlavə ödəniş edəcəksiniz

Türkiyənin Antalya vilayətinin Alanya rayonunda fəaliyyət göstərən bir müəssisə içkilərini buzsuz sifariş edən müştərilərdən əlavə 20 TL ödəniş almağa başlayıb.

Bu barədə Sonxeber.az xarici mediaya istinadla xəbər verir.

Müəssisənin kassasında yerləşdirilən elanda bildirilib ki, müştəri içkini buzsuz istədikdə stəkanı doldurmaq üçün daha çox məhsul istifadə olunur və buna görə qiymət fərqi tətbiq edilir.

Qərar sosial şəbəkələrdə geniş müzakirələrə səbəb olub. Bəzi istifadəçilər müəssisənin mövqeyini dəstəkləyərək buz olmadıqda daha çox içki sərf edildiyini qeyd ediblər. Digərləri isə bu addımı "fürsətçilik" adlandıraraq standart içkinin buzlu və ya buzsuz təqdim edilməsinin qiymətə bu qədər təsir etməməli olduğunu bildiriblər.

Mübahisəli tətbiq qısa müddətdə sosial mediada gündəm mövzularından birinə çevrilib.

Telegramda izləyin