1400 ildir heç kəsilməyib! 4 çeşmədə 4 ayrı xəstəliyin şəfası var - VİDEO

Türkiyənin Biləcik vilayətinin Osmaneli rayonunda yerləşən və "İçmələr" kimi tanınan Prof. Dr. Yunus Söylət Təsislərində axan suların şəfalı olduğuna inanılır.

Sonxeber.az xarici mediaya istinadal xəbər verir ki, təxminən 1400 ildir mövcud olduğu bildirilən mənbələrdən axan dörd fərqli çeşmənin suyunun dadı bir-birindən fərqlənir. Yerli sakinlər və ziyarətçilər bu suların böyrək, öd kisəsi, mədə və dəri xəstəliklərinə faydalı olduğunu iddia edirlər.

2017-ci ildə turizm məqsədilə yenidən qurulan ərazi hazırda qonaqların istirahəti üçün xidmət göstərir. Təsis rəhbərliyinin sözlərinə görə, hər il çox sayda insan bu suların şəfasından yararlanmaq ümidi ilə bölgəyə səfər edir.

Ziyarətçilərdən bəziləri suyun müəyyən sağlamlıq problemlərinə müsbət təsir göstərdiyini bildirsələr də, bununla bağlı elmi təsdiqlənmiş rəsmi məlumat təqdim olunmayıb.

Telegramda izləyin