Bədənlərinə ay-ulduz döyməsi etdirdilər, səbəbi şok edir

İngiltərənin "Hull City" klubunun bəzi azarkeşləri komandanın Premyer Liqaya yüksəlməsini qeyri-adi şəkildə qeyd ediblər.

Sonxeber.az xarici mediaya istinadla xəbər verir ki, Türkiyənin Antalya şəhərində keçirilən bayram tədbirləri zamanı azarkeşlər bədənlərinə ay-ulduz döyməsi etdiriblər.

Premyer Liqaya vəsiqə qazanan "Hull City" uğuru münasibətilə təşkil olunan tədbirlər üçün Türkiyəyə üz tutub. Klubun türkiyəli sahibi Acun Ilıcalının dəvəti ilə Antalyada bir araya gələn azarkeşlər çempionluq sevincini böyük coşqu ilə qeyd ediblər.

Şənliklər zamanı Türkiyə mədəniyyətindən və qonaqpərvərliyindən təsirlənən ingilis azarkeşlər bu unudulmaz səfəri və komandalarının uğurunu əbədiləşdirmək üçün maraqlı addım atıblar. Onlar Türkiyə bayrağının rəmzi olan ay-ulduz təsvirini bədənlərinə döymə etdirərək həm komandalarına bağlılıqlarını, həm də Türkiyəyə olan sevgilərini nümayiş etdiriblər.

Antalya küçələrində marşlar səsləndirən azarkeşlər yeni döymələrini qürurla nümayiş etdirib, rəngarəng və maraqlı görüntülərin yaranmasına səbəb olublar. Bu addım iki ölkənin futbolsevərləri arasında dostluq və mədəni yaxınlığın simvolu kimi qiymətləndirilib.

Telegramda izləyin