Əfsanəvi boksçuya göyərçin sürprizi - VİDEO

Dünya şöhrətli boksçu Mike Tayson aldığı qeyri-adi hədiyyə ilə yenidən gündəmə gəlib.

Sonxeber.az xarici mediaya istinadla xəbər verir ki, türkiyəli azarkeşlərindən biri əfsanəvi idmançıya göyərçin hədiyyə edib. Taysonun hədiyyəni qəbul edərkən yaşadığı sevinc və xoşbəxtlik diqqət çəkib.

Məlum olduğu kimi, Mike Tayson uşaqlıq illərindən etibarən göyərçinlərə xüsusi maraq göstərir. Onun bu sevgisi karyerası boyunca dəfələrlə ictimaiyyətin diqqət mərkəzində olub və müxtəlif müsahibələrində də öz əksini tapıb.

Məhz buna görə də türkiyəli azarkeşin ona göyərçin hədiyyə etməsi maraqla qarşılanıb. Hədiyyənin təqdim olunması zamanı lentə alınan görüntülər qısa müddətdə sosial şəbəkələrdə geniş yayılıb.

Kadrlarda göyərçini təhvil alan Taysonun olduqca məmnun olduğu görünür. Əfsanəvi boksçu ilə azarkeşi arasında yaşanan səmimi anlar izləyicilərin rəğbətini qazanıb.

Telegramda izləyin