57 yaşlı qadın uşaqları tərəfindən evdə ölü tapılıb - VİDEO

Türkiyənin Eskişehir şəhərində 57 yaşlı qadının evində ölü tapılması ilə bağlı araşdırmalara başlanılıb.

Sonxeber.az xarici mediaya istinadla xəbər verir ki, hadisə Tepebaşı rayonunun Mərkəz Yeni məhəlləsində yerləşən 8-ci Dere küçəsindəki üçmərtəbəli binanın yuxarı mərtəbəsində yerləşən dupleks mənzildə qeydə alınıb.

Məlumata görə, 57 yaşlı Məryəm Çıracı birlikdə yaşadığı iki övladı tərəfindən səhər saatlarında yatağında hərəkətsiz vəziyyətdə aşkarlanıb. Övladları dərhal təcili yardım xidmətinə məlumat veriblər.

Hadisə yerinə gələn tibb işçilərinin apardığı müayinə zamanı qadının həyatını itirdiyi müəyyən olunub. İlkin araşdırmalar zamanı ölüm halı şübhəli qiymətləndirildiyindən polis və prokurorluq əməkdaşları mənzildə ətraflı araşdırma aparıblar.

Məryəm Çıracının meyiti hadisə yerindəki ekspertiza işləri başa çatdıqdan sonra ölüm səbəbinin dəqiq müəyyənləşdirilməsi məqsədilə xəstəxananın morquna aparılıb.

Bildirilir ki, qadının ölümünün səbəbi məhkəmə-tibbi ekspertizasının rəyindən sonra məlum olacaq. Faktla bağlı araşdırma davam etdirilir.

Telegramda izləyin