İki qrup arasında başlayan dava faciə ilə bitdi - VİDEO

Türkiyənin Ankara şəhərinin Yenimahalle rayonunda iki qrup arasında baş verən dava nəticəsində 2 nəfər xəsarət alıb, hadisəyə görə 3 şübhəli şəxs həbs edilib.

Sonxeber.az xarici mediaya istinadla xəbər verir ki, hadisə Selçuklu küçəsində yerləşən çörək və şirniyyat mağazasında qeydə alınıb. İddialara görə, iştirak etdikləri toy mərasimindən çıxan Hüseyn B., Samet B. və Umut D. adlı üç əmioğlu şirniyyat almaq üçün mağazaya daxil olublar. Bu zaman onların arxasınca gələn qrupla mübahisə yaranıb.

Qısa müddətdə davaya çevrilən insident zamanı Umut D. hadisə yerindən uzaqlaşa bilsə də, Hüseyn B. və Samet B. dəyənəklərlə döyülərək yaralanıblar.

Hadisə şahidlərinin məlumatı əsasında əraziyə polis və təcili tibbi yardım briqadaları göndərilib. Yaralılar ilkin tibbi yardımdan sonra xəstəxanaya çatdırılıb və müalicə altına alınıblar.

Hadisənin təhlükəsizlik kamerası görüntüləri də üzə çıxıb. Kadrlarda davada iştirak edən şəxslərdən birinin nasoslu tüfənglə atəş açmağa çalışdığı, lakin silahın nasazlıq səbəbindən işləmədiyi görünür. Daha sonra həmin şəxsin tüfəngin qundağı ilə Hüseyn B.-yə zərbə endirdiyi əks olunub.

Polis əməkdaşları hadisəyə qarışan 3 nəfəri qısa müddətdə saxlayıblar. Məhkəməyə çıxarılan şübhəlilər barəsində həbs qətimkan tədbiri seçilərək cəzaçəkmə müəssisəsinə göndəriliblər.

Faktla bağlı araşdırma davam etdirilir.

Telegramda izləyin