DÇ 2026-da BÖYÜK SÜRPRİZ - qrupdan çıxacaq komandalar açıqlandı

2026-cı il dünya çempionatının qrup mərhələsində ilk turun ardından mütəxəssislər növbəti mərhələyə vəsiqə qazanacaq komandalarla bağlı proqnozlarını açıqlayıblar. Qiymətləndirmələrə əsasən, turnirin favoritləri hesab olunan komandaların əksəriyyətinin pley-offa yüksələcəyi gözlənilir.

A qrupunda Meksikanın qrup lideri kimi mərhələ adlayacağı proqnozlaşdırılır. İkinci yer uğrunda isə Cənubi Koreya və Çexiya arasında ciddi mübarizə gözlənilir.

B qrupunda İsveçrə favorit göstərilir. Kanada isə doğma azarkeşlər önündə ikinci yeri tutaraq növbəti mərhələyə yüksəlməyə ən real namizədlərdən biri hesab olunur.

C qrupunda Braziliyanın lider olacağı gözlənilir. Mərakeş isə qrup ikincisi kimi pley-offa yüksəlməyə yaxın komandalar sırasında göstərilir.

D qrupunda ABŞ və Türkiyənin növbəti mərhələyə vəsiqə qazanacağı ehtimal edilir. Avstraliya isə ən yaxşı üçüncü yerlərdən biri olmaq uğrunda mübarizə aparacaq.

E qrupunda Almaniya və Fil Dişi Sahili favoritlər hesab olunur. F qrupunda isə Niderland və İsveçin ilk iki pilləni tutacağı proqnozlaşdırılır.

G qrupunda Belçika və İranın qrupdan çıxacağı gözlənilir. H qrupunda İspaniya və Uruqvayın növbəti mərhələyə yüksəlməsi ehtimalı yüksək qiymətləndirilir.

İ qrupunda Fransa və Norveç, J qrupunda isə Argentina və Avstriyanın pley-off mərhələsinə yüksələcəyi proqnozlaşdırılır.

K qrupunda Portuqaliya və Kolumbiya, L qrupunda isə İngiltərə ilə Xorvatiyanın qrupu ilk iki pillədə başa vuracağı gözlənilir.

Ekspertlər hesab edirlər ki, turnirin genişləndirilmiş formatı səbəbindən ən yaxşı üçüncü yeri tutacaq komandaların da növbəti mərhələyə yüksəlmək şansı yüksəkdir. Bununla belə, ilk turda qeydə alınan gözlənilməz nəticələr qrupların taleyini son oyunlara qədər açıq saxlayır.

Telegramda izləyin