Sirli kənddə qorxulu anlar: Qəfil qarşılarına çıxdı - VİDEO

Türkiyədə sirli və müəmmalı hadisələrlə adı hallanan Davutlu Köyü kəndinə gecə saatlarında daxil olan bir qrup gənc gözlənilməz anlar yaşayıb.

Sonxeber.az türk mediasına istinadən xəbər verir ki, məlumata görə, kənd ərazisində hərəkət edən gənclər irəlilədikləri zaman əlində süpürgəsi olan yaşlı bir qadınla qarşılaşıblar. Bu qeyri-adi qarşılaşma gənclər arasında böyük təəccüb və qorxuya səbəb olub.

Hadisə anları gənclərin mobil telefon kamerasına düşüb. Kadrlarda gənclərin həyəcanlı reaksiyaları da yer alıb. Onlardan birinin "Kamal, sür, sür..." dediyi, digərinin isə "Xala, sən niyə yatmadın?" sualını verdiyi eşidilir.

Sosial şəbəkələrdə yayılan görüntülər qısa zamanda geniş müzakirələrə səbəb olub. Hadisənin real olub-olmaması ilə bağlı müxtəlif fikirlər səsləndirilir.

Telegramda izləyin