Torpaq mübahisəsi faciə ilə nəticələnib: 3 ailə üzvünü öldürən şübhəli təslim olub - VİDEO

Türkiyənin Ordu vilayətinin Fatsa rayonunda torpaq mübahisəsi zəminində baş verən silahlı insident nəticəsində 3 nəfər həyatını itirib.

Sonxeber.az xarici mediaya istinadla xəbər verir ki, təqaüddə olan imam Muharrem Gülen aralarında uzun müddətdir torpaq mübahisəsi olan qardaşı Mehmet Gülen, onun həyat yoldaşı Emine Gülen və oğlu Resul Gülenin iş yerinə gedib. Tərəflər arasında yaranan mübahisə qısa müddətdə davaya çevrilib.

Şübhəli tapança ilə qardaşı, gəlini və qardaşı oğluna atəş açıb. Resul Gülen hadisə yerində ölüb, ağır yaralanan Mehmet və Emine Gülen isə xəstəxanaya çatdırılsalar da, həkimlərin səylərinə baxmayaraq həyatlarını xilas etmək mümkün olmayıb.

Hadisədən sonra qaçan Muharrem Gülenin saxlanılması üçün polis tərəfindən əməliyyat-axtarış tədbirləri həyata keçirilib. O, hadisədən bir gün sonra Fatsanın Tepecik məhəlləsində hüquq-mühafizə orqanlarına könüllü təslim olub.

Faktla bağlı araşdırma davam etdirilir.

Telegramda izləyin