Qarpızı belə doğrayın, süfrəniz daha gözəl görünsün

Yay aylarının ən çox sevilən meyvələrindən olan qarpızı süfrəyə daha fərqli və maraqlı formada təqdim etmək mümkündür.

Mütəxəssislər və kulinariya həvəskarları bildirirlər ki, qarpızı adi dilimlərdən başqa müxtəlif formalarda doğramaq həm görünüşü yaxşılaşdırır, həm də qonaqlar üçün daha rahat təqdimat yaradır.

Qarpızın ən məşhur doğrama üsullarından biri üçbucaq dilimlərdir. Bununla yanaşı, meyvəni qabığı ilə birlikdə uzun çubuqlar formasında kəsmək də praktik üsullardan hesab olunur.

Xüsusi günlər və qonaq süfrələri üçün isə qarpızdan səbət hazırlamaq mümkündür. Bunun üçün qarpızın bir hissəsi kəsilir, içi boşaldılır və meyvə parçaları ilə doldurulur.

Bundan başqa, qabığı çıxarılan qarpızı kiçik kub formasında doğrayaraq boşqaba səliqəli şəkildə düzmək və ya xüsusi qəliblər vasitəsilə müxtəlif fiqurlar hazırlamaq olar.

Qarpızı doğramazdan əvvəl qabığını yaxşı yumaq vacibdir. Kəsilmiş qarpız isə isti havalarda uzun müddət otaq temperaturunda saxlanılmamalıdır.(milli.az)

Telegramda izləyin