Sürücülük kursuna sərxoş getdi - VİDEO

Türkiyənin Kayseri şəhərində başqa bir yol-nəqliyyat hadisəsinə müdaxilə edən polis əməkdaşları şübhə əsasında saxladıqları namizəd sürücünün 2,77 promil spirtli içki təsiri altında olduğunu müəyyən ediblər.

Sonxeber.az xarici mediaya istinadla xəbər verir ki, yoxlama zamanı sürücünün namizəd sürücü statusunda olduğu məlum olub. Qanunda nəzərdə tutulan qaydalara əsasən, onun sürücülük vəsiqəsi daimi olaraq ləğv edilib və 25 min TL məbləğində inzibati cərimə tətbiq olunub.

Avtomobilinin cərimə meydançasına aparılacağını öyrənən sürücü təxminən bir saat maşından enməkdən imtina edərək polis əməkdaşlarına müqavimət göstərib, həmçinin polisə və hadisəni işıqlandıran jurnalistlərə təhqirlər səsləndirib.

Uzun danışıqlardan sonra avtomobildən endirilən sürücü polis bölməsinə aparılıb. Onun barəsində "yol hərəkəti təhlükəsizliyini qəsdən təhlükəyə atmaq" maddəsi ilə cinayət işi üzrə araşdırma aparılır.

Telegramda izləyin