Qarpızı hansı aylara qədər yemək məsləhətdir?

Yay aylarının ən çox sevilən meyvələrindən biri olan qarpızın istehlakı üçün ən uyğun dövr onun təbii yetişmə mövsümü hesab olunur.

Mütəxəssislərin fikrincə, Azərbaycanda qarpız əsasən iyul, avqust və sentyabr aylarında daha keyfiyyətli və faydalı olur. Bu dövrdə yetişən qarpızlar həm dadına, həm də qida dəyərinə görə daha üstün sayılır.

Bildirilib ki, iyul və avqust ayları qarpızın ən bol və şirin olduğu vaxtdır. Sentyabr ayında da gec yetişən sortlardan istifadə etmək mümkündür.

Oktyabr ayından sonra satışda olan qarpızlarla bağlı isə diqqətli olmaq tövsiyə edilir. Belə meyvələr uzun müddət saxlanılmış və ya uzaq ölkələrdən gətirilmiş ola bilər. Bu isə onların keyfiyyətinə təsir göstərə bilər.

Mütəxəssislər kəsilmiş qarpızın otaq temperaturunda uzun müddət saxlanılmamasını, soyuducuda qorunmasını və qısa müddətdə istehlak edilməsini məsləhət görürlər.

Qeyd olunur ki, sağlam insanlar üçün qarpızdan istifadə üçün ən münasib dövr iyuldan sentyabrın sonunadək olan müddətdir.

Telegramda izləyin