Nyu-Yorkda şirkət rəhbərinin qətlində təqsirləndirilən şəxs günahını etiraf etdi

ABŞ-nin ən böyük tibbi sığorta şirkətlərindən biri olan "UnitedHealthcare" şirkətinin rəhbəri Brayan Tompsonu Nyu-York şəhərində qətlə yetirməkdə ittiham olunan Luici Mancone təqsirini etiraf edib.

Oxu.Az xəbər verir ki, bu barədə "The New York Times" məlumat yayıb.

Mancone məhkəmədə Tompsonu Manhettendə güllələdiyini, hərəkətlərinin onun ölümünə və ya xəsarət almasına səbəb ola biləcəyini bildiyini və törətdiklərinin qanunsuz olduğunu deyib. O, silahı 3D printer vasitəsilə hazırladığını və səsboğucu ilə təchiz etdiyini də bildirib.

Mancone ölümə səbəb olan təqiblə bağlı iki ittiham üzrə təqsirini qəbul edib. Hər bir ittiham üzrə ömürlük həbs cəzası nəzərdə tutulur. Hakim Marqaret Qarnett hökmün elanını dekabrın 18-nə təyin edib.

Qeyd edək ki, Tompson 4 dekabr 2024-cü ildə Manhettendəki "New York Hilton Midtown" hotelinin qarşısında güllələnərək öldürülüb.

Telegramda izləyin