Şübhələnən kişi, arvadının xəyanətini görün necə sübut etdi

Türkiyənin aparıcı şirkətlərdən birində Hüquq İşləri rəhbəri və İdarə Heyətinin üzvü olan vəkil A.Ö. həyat yoldaşına xəyanət etməkdə ittiham olunaraq məhkəməyə verilib. Həyat yoldaşı Aytunç Ö. boşanma ilə yanaşı, 50 milyon TL mənəvi təzminat və uşaqların qəyyumluğunun ona verilməsini tələb edib.

Sonxeber.az xarici mediaya istinadla xəbər verir ki, İstanbul Anadolu Ailə Məhkəməsinə təqdim olunan iş materiallarına otel və təhlükəsizlik kamerası görüntüləri də daxil edilib. Sənədlərə əsasən, A.Ö.-nün Bahtiyar Y. adlı şəxslə müxtəlif tarixlərdə İstanbul Hava Limanındakı oteldə, Sapancadakı bungalovda və Etilərdəki lüks oteldə birlikdə qaldığı iddia olunur.

Məhkəməyə təqdim edilən 40 günlük təhlükəsizlik kamerası görüntülərində isə həmin şəxsin ailənin yaşadığı evə 15 dəfə daxil olduğu bildirilib. Görüntülərdə cütlüyün avtomobildə və yaşayış kompleksinin ərazisində yaxın münasibətdə olduğu, bəzi görüntülərdə isə uşaqların yanında uygunsuz davranışların qeydə alındığı iddia edilir.

Aytunç Ö.-nün vəkili Erdost Balcı məhkəməyə təqdim etdiyi ərizədə bu münasibətin uşaqların psixoloji təhlükəsizliyinə mənfi təsir etdiyini bildirib.

Məhkəmə təqdim olunan sənədləri və kamera görüntülərini nəzərdən keçirdikdən sonra ara qərarla A.Ö.-nün həyat yoldaşına aylıq 35 min TL müvəqqəti aliment ödəməsinə qərar verib. İş üzrə məhkəmə prosesi davam edir.

Telegramda izləyin