2026-cı ildə ev almaq, yoxsa gözləmək? - AÇIQLAMA

Daşınmaz əmlak bazarında qiymətlərin son dövrdə artması ev almaq istəyənləri düşündürən əsas suallardan birini gündəmə gətirib: 2026-cı ildə mənzil almaq daha sərfəlidir, yoxsa qiymətlərin düşməsini gözləmək?

Əmlak məsələləri üzrə ekspert Fərid Cəfərli bu barədə Sonxeber.az -a açıqlama verib:

"Qiymətlərin müəyyən seqmentlərdə artmaqda davam etməsi daha real görünür. Amma burada çox mühüm fərq var: qiymət artımının davam etməsi ilə qiymətlərin sürətlə bahalaşması eyni şey deyil.

Bazar 2026-cı ildə daha seçici xarakter alır.

Məsələn, yaxşı lokasiyada, sənədləri tam, nəqliyyat və infrastruktur imkanları yüksək olan mənzillə, bazardan sadəcə "ucuzdur" deyə çıxarılan mənzil eyni sürətlə bahalaşmayacaq.

Bu baxımdan mən hesab edirəm ki, növbəti mərhələdə bazarın ümumi artımından daha çox, ayrı-ayrı əmlakların performansı ön plana çıxacaq.
Əsas problem mənzil qiyməti ilə əhalinin gəliri arasındakı nisbətdir.

Məsələn, kvadratmetr 5 faiz bahalaşa bilər. Amma ailənin gəliri həmin müddətdə 5 faiz artmırsa, vətəndaş üçün mənzil əvvəlkindən daha əlçatmaz olur.

Ona görə mənzil bazarının sağlamlığını yalnız "kvadratmetr neçə manatdır?" sualı ilə ölçmək düzgün deyil".

Telegramda izləyin