Dini nikah zamanı gəlinin istəyi təəccüb doğurdu: "İlə 15 qram qızıl!" - VİDEO

Türkiyədə evlilik hazırlığı görən cütlüyün dini nikah mərasimində gəlinin mehr tələbi diqqət çəkib. Gəlin gələcək həyat yoldaşından birdəfəlik müəyyən məbləğ və ya əmlak əvəzinə, evlilikləri davam etdiyi müddətdə hər il 15 qram qızıl verməsini istəyib.

Sonxeber.az xarici mediaya isitinadla xəbər verir ki, ailə üzvlərinin və şahidlərin iştirakı ilə keçirilən dini nikah mərasimində imamın mehrin miqdarını soruşması ilə maraqlı dialoq yaşanıb.

Ənənəvi olaraq mehr əvvəlcədən və ya müəyyən müddət sonra birdəfəlik ödəniləcək məbləğ şəklində müəyyənləşdirilir. Lakin bu gəlin fərqli bir maliyyə təminatı modeli seçib.

Mərasim zamanı gəlin gələcək həyat yoldaşından mehr olaraq hər il 15 qram qızıl tələb etdiyini bildirib. Beləliklə, birdəfəlik böyük məbləğ və ya daşınmaz əmlak əvəzinə, nikah davam etdiyi müddətdə hər il müəyyən miqdarda qızıl verilməsi şərti irəli sürülüb.

Gəlinin bu tələbi mərasimdə iştirak edən ailə üzvləri və digər şəxslər arasında da təəccüb doğurub.

Mehr qadının dini nikah çərçivəsində əsas maliyyə hüquqlarından və təminatlarından biri hesab olunur. Bu hadisədə isə gəlinin inflyasiya və dəyişən iqtisadi şərtləri nəzərə alaraq hər il yenilənəcək 15 qram qızıl tələb etməsi diqqət çəkən məqam kimi gündəmə gəlib.

Telegramda izləyin