10 il sonra yenidən toy edən fenomenə hədiyyə edilənlərə baxın - VİDEO

Bursada fenomen Esma Sezen 10 il sonra yenidən gəlinlik geyindi - toyunda taxılan qızıllarla poza verdi

Türkiyənin Bursa şəhərinin İznik rayonunda yaşayan 35 yaşlı sosial media fenomeni Esma Sezen evliliyinin 10-cu ildönümünü həyat yoldaşına etdiyi sürprizlə qeyd edib.

Sonxeber.az xarici mediaya istinadla xəbər verir ki, Sezen həyat yoldaşı E.S.-dən gizli şəkildə xüsusi təşkilat hazırlayıb. O, yenidən gəlinlik geyinərək 10 il sonra həyat yoldaşı ilə bir daha nikah masasına oturub.

Cütlüyün 10 il əvvəlki toy gününün yenidən canlandırıldığı gecədə gəlinlik, nikah və rəqs görüntüləri diqqət çəkib. Sezenin 10 il əvvəlki toyunda ona taxılan qızıllarla çəkdirdiyi fotolar da maraqla qarşılanıb.

Həyat yoldaşından gizli təşkil edilən gecədə məkan toy konseptinə uyğun hazırlanıb, dəvətlilər isə sürprizin bir hissəsi olublar. Təşkilatdan xəbərsiz şəkildə məkana gələn E.S. qarşısında yenidən gəlinlik geyinmiş həyat yoldaşını görəndə böyük təəccüb yaşayıb.

Gecənin ilerleyen saatlarında nikah məmurunun da məkana gəlməsi ilə cütlük iki şahidin qarşısında bir daha "hə" deyib. Nikah zamanı şahidlərin "İkinci uşaq olmadan hə deməyəcəklər" zarafatı isə salonda gülüşə səbəb olub.

Nikahdan sonra cütlük rəqs edib. Gecə tort kəsilməsi ilə davam edib.

Esma Sezen və həyat yoldaşı E.S. bu özəl təşkilat sayəsində 10 il əvvəlki toy günlərini bir daha yaşayıblar.

Telegramda izləyin