İki illik viza aldığı ölkədə 2 həftə qala bilmədi: "Burdakı kişilərdə problem var" - VİDEO

Hindistana iki illik viza ilə uzunmüddətli səyahətə gedən xarici qadın ölkədə iki həftəsini belə tamamlamadan geri qayıtmaq qərarına gəlib. Qadın ölkədə qarşılaşdığı bəzi davranışlardan, küçələrdəki inək peyinindən və zibil yığınlarından narazılığını ifadə edib.

Sonxeber.az xarici mediaya istinadla xəbər verir ki, sosial şəbəkələrdə paylaşdığı videoda yaşadıqlarından danışan qadın Hindistana uzun müddət qalmaq planı ilə getdiyini bildirib. Lakin ölkədə keçirdiyi ilk günlərdən sonra planını dəyişmək qərarına gəldiyini söyləyib.

Küçədə gəzərkən ətrafını lentə alan qadın xüsusilə kişilərin davranışlarından narahat olduğunu deyib. O, "Buradakı kişilər... Onlarda bir problem var" ifadələrini işlədib.

Qadın daha sonra küçələrin vəziyyətindən də şikayətlənib. Kamerasını yola çevirərək küçələrdə gördüyü inək peyinlərini göstərən qadın, "Yollardakı inək peyinindən artıq həqiqətən bezmişəm" deyib.

Videoda yol kənarlarında toplanan zibil yığınları da əks olunub. Gördüyü mənzərədən narazı qalan qadın zibil yığınlarını göstərərək "İyrəncdir" ifadəsini işlədib.

İki illik viza almasına baxmayaraq Hindistanda planlaşdırdığından daha qısa müddət qalacağını bildirən qadın, qarşılaşdığı vəziyyətlərin qərarını dəyişməsinə səbəb olduğunu deyib.

Qadın videonun sonunda "Buradan mümkün qədər tez getməliyəm" sözləri ilə ölkəni erkən tərk edəcəyini bildirib.

Telegramda izləyin