Bu adada doğulan hər uşağa görə dövlət 6 min manat ödəyəcək

Yunanıstanın İncirli kimi tanınan Nisyros adasında azalan əhalinin sayını artırmaq məqsədilə yeni maliyyə dəstəyi proqramı qəbul edilib.

Sonxeber.az xarici mediaya istinadla xəbər verir ki, bələdiyyə məclisinin yekdilliklə təsdiqlədiyi qərara əsasən, adada daimi yaşayan ailələrə dünyaya gətirdikləri hər uşaq üçün birdəfəlik 3 min avro, yəni təxminən 6 min manat ödəniləcək.

Dəstəkdən yararlanmaq üçün ailənin bələdiyyədə qeydiyyatda olması və uşağın doğulduğu vaxt adada daimi yaşaması tələb olunur. Ödəniş vergidən azad ediləcək və digər sosial yardımların hesablanmasına daxil edilməyəcək.

Bələdiyyə doğum yardımı ilə yanaşı, adada yaşayan uşaqlara 5 yaşına qədər hər ay 150 avro, ödənilməsi imkanını da nəzərdən keçirir. Bu təklif hələlik qiymətləndirmə mərhələsindədir.

Bələdiyyə sədri Christofis Koronaios bildirib ki, proqramın əsas məqsədi gənclərin adanı tərk etməsinin qarşısını almaq və ailələri uşaq sahibi olmağa təşviq etməkdir.

Telegramda izləyin