1,5 metrlik nəhəng balıq bazarda satışa çıxarıldı - görənlər təəccübləndi - VİDEO

Türkiyənin Batman şəhərində Balıqçılar bazarında satışa çıxarılan 1,5 metr uzunluğunda və 69 kiloqram ağırlığında nəhəng balıq diqqət çəkib.

Sonxeber.az xarici mediaya istinadla xəbər verir ki, Cizrə bölgəsindəki Botan çayından tutulan balığı görən vətəndaşlar təəccüblərini gizlədə bilməyiblər.

32 ildir balıqçılıqla məşğul olan Abdullah Basut nəhəng balığı piştaxtasına çıxarıb. O bildirib ki, xalq arasında "turna balığı" kimi tanınan bu növ bölgənin ən dadlı balıqlarından biridir.

"Piştaxtamızdakı balığın çəkisi 69 kiloqram, uzunluğu isə təxminən 1,5 metrdir. Cizrə Botan çayında tutulub. Əti olduqca ləzzətlidir. Kiloqramını 400 lirədən satışa çıxarmışıq", - deyə Basut bildirib.

Nəhəng balıq bazara gələnlərin böyük marağına səbəb olub. Bəzi vətəndaşlar balığın fotosunu çəkmək üçün telefonlarına əl atıblar.

Telegramda izləyin