Britaniya şirkəti Azərbaycanda mis istehsalını 7 dəfədən çox artırıb

Azərbaycanda qızıl yataqlarının işlənməsi üzrə operator olan Böyük Britaniyanın "Anglo Asian Mining PLC" şirkəti (AAM) bu ilin birinci yarısında 12,329 unsiya qızıl hasil edib.

Sonxeber.az şirkətin məlumatına istinadən xəbər verir ki, bu, 2025-cü ilin ilk yarəsə ilə müqayisədə 1,8 % çoxdur.

"Anglo Asian" hesabat dövründə 8,840 ton mis istehsal edilib ki, bu da 2025-ci ilin birinci yarısı ilə müqayisədə 7,4 dəfə çoxdur.

Hesabat dövründə şirkət 92,855 unsiya gümüş hasil edib ki, bu da ötən ilin eyni dövrü ilə müqayisədə 48,9 % çoxdur.

Məlumata görə, bu, son illərdə şirkətin portfelinin əhəmiyyətli dərəcədə inkişaf etdirilməsini, yeni "Dəmirli" və "Gilar" mədənlərindən əlavə istehsalı əks etdirir. Bu güclü istehsal möhkəm maliyyə göstəriciləri ilə nəticələnib. Şirkət yarım il ərzində 141,2 milyon ABŞ dolları gəlir, 68,5 milyon ABŞ dolları vergidən əvvəl mənfəət və əməliyyat fəaliyyətindən əldə edilən 78,5 milyon ABŞ dolları xalis pul vəsaitləri qeydə alınıb.

30 iyun 2026-cı il tarixinə pul vəsaitləri 70 milyon ABŞ dolları (31 dekabr 2025-ci il tarixinə 30,2 milyon ABŞ dolları) və borc (lizinqlər istisna olmaqla) 12,3 milyon ABŞ dolları (31 dekabr 2025-ci il tarixinə 27,7 milyon ABŞ dolları) təşkil edib.

Xatırladaq ki, 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə 6 yatağın işlənməsini nəzərdə tutub. Müqavilədə Azərbaycanın payı 51 %, "Anglo-Asian Mining Plc." şirkətinin payı 49 % təşkil edir.

Hazırda Azərbaycanda 8 müqavilə sahəsini işləmək hüququna malik olan AAM hələlik iki müqavilə sahəsində - "Gədəbəy" və "Qoşa" yataqlarında qiymətli metal hasilatı ilə məşğul olur.

Telegramda izləyin