Brent markalı neftin qiyməti artaraq 101,74 dollar/barelə çatıb

Bazar iştirakçıları Yaxın Şərqdəki vəziyyəti və onun həlli perspektivlərini qiymətləndirərkən, neft qiymətləri çərşənbə axşamı səhər dörd günlük enişdən sonra yüksəlir.

Sonxeber.az xəbər verir ki, Londonda yerləşən ICE Futures birjasında noyabr ayı üçün Brent markalı neftin fyuçerslərinin qiyməti əvvəlki bağlanışla müqayisədə 1,40 dollar (1,4%) artaraq 101,74 dollar/barel təşkil edib. Bazar ertəsi günü müqavilə 3,53 dollar (3,4%) azalaraq 100,34 dollara düşüb.

Nyu-York Ticarət Birjasında (NYMEX) elektron ticarətdə oktyabr ayı üçün WTI xam neftinin fyuçersləri 1,07 dollar (1,12%) artaraq bir barel üçün 96,85 dollara çatıb. Əvvəlki ticarət günündə onların qiyməti 4,52 dollar (4,51%) azalaraq 95,78 dollara düşüb. Oktyabr müqavilələri çərşənbə axşamı ticarətin bağlanışında bitir.

Telegramda izləyin