Vahid məktəbli geyim formasının tətbiqi ümumi sosial bərabərliyin qorunması baxımından vacibdir - ŞƏRH

"Vahid məktəbli geyim formasının tətbiqi ümumi sosial bərabərliyin qorunması və inklüzivliyin təmin edilməsi baxımından vacibdir. Hər bir şagirdin vahid geyim formasından istifadə etməsinə diqqət yetirilməlidir. Bəzi şagirdlər dini elementlər daşıyan geyimlərə üstünlük verə bilərlər. Lakin həm "Dini etiqad azadlığı haqqında" Qanunda, həm də "Təhsil haqqında" Qanunda qeyd olunduğu kimi, şagirdlər əsasən vahid geyim formasından istifadə etməlidirlər".

Bunu Sonxeber.az-a açıqlamasında təhsil eksperti Elçin Əfəndi bildirib.

O, bildirib ki, vahid geyim forması ümumi sağlam və sosial baxımdan bərabər təhsil mühitinin formalaşmasını təmin edir:

"Eyni zamanda, şagirdin kimliyini də önə çıxarır. Məsələn, geyim formasından həmin şəxsin şagird olduğunu müəyyən etmək mümkündür. Vahid geyim formasından istifadə sağlam təhsil mühitinin formalaşmasına xidmət edir. Burada sosial bərabərliyin, təhsil maraqlarının qorunması, təhsilə meyl və digər amillər nəzərdə tutulur. Bu baxımdan vahid məktəbli geyim formasına üstünlük verilməsi vacibdir".

Röyalə Xəyal

Telegramda izləyin