Bu şəxslərə 10 il müddətinə GÜZƏŞT tətbiq ediləcək - AÇIQLAMA

Bu şəxslərə 10 il müddətinə GÜZƏŞT tətbiq ediləcək - AÇIQLAMAİşğaldan azad edilmiş ərazilərdə sahibkarlığın inkişafı və investisiyaların cəlb edilməsi istiqamətində müxtəlif iqtisadi təşviq mexanizmləri tətbiq olunur. Sahibkarlara vergi və gömrük güzəştlərinin verilməsi həmin ərazilərdə biznes fəaliyyətinin xərclərinin azalmasına və yeni layihələrin həyata keçirilməsinə şərait yarada bilər. Xüsusilə uzunmüddətli güzəştlərin investorların qərarlarına, yeni müəssisələrin yaradılmasına və məşğulluğun artmasına təsiri diqqət çəkən məsələlərdəndir.

Bəs, biznes sahiblərinə 10 il müddətinə tətbiq olunacaq vergi və gömrük güzəştləri işğaldan azad edilmiş ərazilərdə sahibkarlığın inkişafına və yeni investisiyaların cəlb edilməsinə necə təsir göstərə bilər və bu güzəştlərdən daha çox hansı sahələr faydalana bilər?
Bu şəxslərə 10 il müddətinə GÜZƏŞT tətbiq ediləcək - AÇIQLAMAMövzu ilə bağlı Sonxeber.az-a açıqlama verən Liberal İqtisadçılar Mərkəzinin sədri Akif Nəsirli bildirib ki, bu güzəştlərin əsas əhəmiyyəti ondan ibarətdir ki, işğaldan azad edilmiş ərazilərdə biznes qurmağın ilkin və sonrakı xərclərini əhəmiyyətli dərəcədə aşağı sala bilər.

"Qanunvericiliyə əsasən, həmin ərazilərin rezidentləri 2023-cü il yanvarın 1-dən etibarən 10 il müddətinə mənfəət və ya gəlir, əmlak, torpaq və sadələşdirilmiş vergilərdən azaddırlar. Müəyyən fəaliyyətlər üzrə texnika, avadanlıq, xammal və materialların idxalına da ƏDV və gömrük rüsumu güzəştləri tətbiq edilir. Bu, investor üçün xüsusilə vacibdir, çünki yeni müəssisənin ilk illərində əsas problem yalnız vergi ödəmək deyil, böyük ilkin investisiyanın geri qaytarılmasıdır. Vergi yükünün azalması həmin vəsaitin istehsalın genişləndirilməsinə, yeni avadanlıq alınmasına və iş yerlərinin yaradılmasına yönəldilməsinə imkan verir. Üstəlik, sənaye parklarında əlavə olaraq sosial sığorta subsidiyaları, işçi qüvvəsinin cəlb edilməsini asanlaşdıran mexanizmlər və digər güzəştlər də mövcuddur. Bu güzəştlərdən ən çox istehsal və emal müəssisələrinin faydalanması gözlənilir. Çünki belə bizneslərdə avadanlıq, xammal, logistika və enerji xərcləri böyük olur. Məsələn, tikinti materialları, qida emalı, kənd təsərrüfatı məhsullarının emalı, tekstil, mebel, elektrik avadanlıqları, müxtəlif sənaye məhsullarının istehsalı və logistika ilə əlaqəli fəaliyyətlər üçün güzəştlər daha əhəmiyyətlidir. Artıq bölgədə tekstil, tikinti materialları, elektrik avadanlıqları və nəqliyyat vasitələri ilə bağlı istehsal sahələrinin yaradıldığı bildirilir.

Ekspert bildirib ki, xüsusilə kənd təsərrüfatı ilə sənayenin birləşdiyi layihələr üçün imkan böyükdür:

"Məsələn, Qarabağ və Şərqi Zəngəzurda yetişdirilən kənd təsərrüfatı məhsullarının yalnız xammal kimi satılması əvəzinə, onların burada qablaşdırılması, konservləşdirilməsi, qurudulması, süd və ət məhsullarına, meyvə şirələrinə və digər hazır məhsullara çevrilməsi daha yüksək əlavə dəyər yarada bilər. Digər mühüm məsələ ixracdır. Qanunvericilikdə istehsal, emal və hasilat fəaliyyəti üzrə müəyyən vergi azadolmalarının həmin ərazilərdə istehsal edilərək həm ölkə daxilində, həm də ixrac olunan mallardan əldə edilən gəlirlərə şamil edilməsi nəzərdə tutulur. Bu isə bölgəni təkcə daxili bazar üçün istehsal məkanı deyil, həm də ixracyönümlü sənaye mərkəzi kimi inkişaf etdirmək imkanını artırır. Lakin güzəştlərin özü investisiyanın gəlməsinə zəmanət vermir. İnvestor üçün yol, enerji, su, internet, logistika, işçi qüvvəsi və bazara çıxış imkanları da ən azı vergi güzəştləri qədər vacibdir. Ona görə dövlət infrastrukturu nə qədər sürətlə və keyfiyyətli təmin edərsə, 10 illik vergi və gömrük güzəştlərinin real investisiya effektinin də bir o qədər yüksək olması mümkündür. Hazırkı nəticələr müəyyən iqtisadi effektin artıq yarandığını göstərir. İqtisadiyyat Nazirliyinin məlumatına görə, azad edilmiş ərazilərdə istehsal müəssisələri idxal etdikləri texnika, texnoloji avadanlıq və xammala görə indiyədək 17,4 milyon manat həcmində vergi və gömrük rüsumlarından azadolma əldə ediblər. Yəni güzəştlərin əsas məqsədi sadəcə sahibkarın vergi xərcini azaltmaq deyil. Daha böyük məqsəd investoru bölgəyə gətirmək, istehsal yaratmaq, yerli əhalinin məşğulluğunu artırmaq, kənd təsərrüfatı və sənaye zəncirini formalaşdırmaq və nəticədə Qarabağ və Şərqi Zəngəzuru uzunmüddətli iqtisadi fəaliyyət məkanına çevirməkdir".

Röyalə Xəyal


Sonxeber.az
Telegramda izləyin
İqtisadiyyat   Baxılıb: 1091   Tarix: 29 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Bakı metrosunda NFC ilə 74 milyona yaxın ödəniş həyata keçirilib

Son 1 ildə "Bakı Metropliteni" QSC-də NFC ilə 73 milyon 889 min 384 ödəniş həyata keçirilib. Bu barədə -a səhmdar cəmiyyətindən məlumat verilib. Bildirilib ki, bu, ümumi ödənişli sərnişinlərin 63,8 %-ni təşkil edir. NFC-dən ən çox istifadə 8 milyon 57 min 376 ödənişlə 2026-cı ilin aprel ayınd

4 noyabr
.

Azərbaycanda pambıq istehsalının 4 illik proqnozu açıqlanıb

Gələn il Azərbaycanda pambıq istehsalının 351,9 minə tona çatacağı proqnozlaşdırılır. "Report" xəbər verir ki, bu, 2027-ci ilin dövlət büdcəsi zərfinin layihəsində öz əksini tapıb. Məlumata görə, bu, 2026-cı il proqnozuna nisbətən 11,1 % çoxdur. 2028-ci ildə pambıq istehsalının 373,8 min to

15 noyabr
.

Baytarlıq pasportunun verilməsinə dövlət rüsumu 50 % artırılır

Azərbaycanda gələn ildən baytarlıq pasportunun verilməsinə dövlət rüsumu 30 manat olacaq. "Report" xəbər verir ki, bu, Vergi Məcəlləsində dəyişiklik edilməsi haqqında qanun layihəsində öz əksini tapıb. Sənəd 2027-ci ilin büdcə zərfinə daxildir. Gazırda baytarlıq pasportunun verilməsinə gör

5 noyabr
.

Azərbaycanda pul bazası 25 mlrd. manatı ötüb

Bu il noyabrın 1-i tarixinə Azərbaycanda pul bazası 25 milyard 146.1 milyon manata bərabər olub. bu barədə Azərbaycan Mərkəzi Bankına istinadən xəbər verir. Məlumata görə, son bir ayda pul bazası 1,32% artıb. İllik müqayisədə isə pul bazası 17,53% artıb

3 noyabr
.

Azərbaycanda planşetlərdə "İOS"un bazar payı 45 % azalıb

Bu ilin oktyabr ayında Azərbaycanda mobil cihazlarda "Android" əməliyyat sisteminin bazar payı 82,39 % təşkil edib. "Report"un "Statcounter" agentliyinin son hesabatına istinadən verdiyi xəbərə görə, bu, sentyabr ayına nisbətən 1,92 faiz bəndi az, 2025-ci ilin oktyabr ayını

2 noyabr
.

Azərbaycan Türkiyədən geyim idxalına çəkdiyi xərcləri 21 %-dən çox artırıb

Bu ilin yanvar-oktyabr aylarında Azərbaycan Türkiyədən 54,094 milyon ABŞ dolları dəyərində geyim idxal edib. Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 21,4 % çoxdur. Oktyabrda Türkiyə Azərbaycana 4,927 milyon ABŞ dolları dəyərində geyim ixra

9 noyabr
.

Qızılın qiyməti son bir ilin minimumuna düşdü

Dünya bazarında qızılın qiyməti 2025-ci il oktyabrın 2-dən bəri ilk dəfə 3 850 dollar həddindən aşağı enib. bu barədə ticarət platformasının məlumatlarına istinadən məlumat verir. Bildirilib ki, "Comex" birjasında 2026-cı ilin dekabrında tədarük ediləcək qızıl fyuçerslərinin qiyməti 1,15 fai

16 noyabr
.

Hotellərə yeni tələb qoyulur

Azərbaycanda hotellərin üzərinə yeni tələb qoyulur. xəbər verir ki, sözügedən məsələ Vergi Məcəlləsinə təklif edilən dəyişiklik layihəsində əksini tapıb. Layihəyə əsasən, mehmanxana (hotel) və sanatoriya fəaliyyəti ilə məşğul olan şəxslər tərəfindən onların rüb ərzində xidmət göstərdiyi ölkəyə turis

5 noyabr
.

Türk İnvestisiya Fondu Türkiyədə ilk maliyyələşdirməni həyata keçirib

Türk İnvestisiya Fondu (TİF) kənd yerlərində fəaliyyət göstərən mikro, kiçik və orta müəssisələrin maliyyə vəsaitlərinə çıxışını genişləndirmək, qadın sahibkarları dəstəkləmək, dayanıqlı kənd təsərrüfatını və yaşıl investisiyaları təşviq etmək məqsədilə Niderland İnkişaf Bankının (FMO) təşkil etdiy

12 noyabr